இப்படியுமா கூட்டணி?

திருவாரூர் சரவணன்

15–03–2019

இப்படியுமா கூட்டணி?

எதிரும் புதிருமா நாலு அண்ணன் தம்பியும் சண்டை போட்டுகிட்டவங்க ஒண்ணா போறாங்களே?

நாலு பேரும் நாலு கட்சியில இருந்தாங்களாம். இப்போ நாலு தலைமையும் கூட்டணி வச்சிகிட்டதால தேர்தல் வரைக்கும் ஒண்ணா இருப்பாங்களாம்-.

***

எல்லோருக்கும் டிக்கட்

பஸ் நஷ்டத்துல ஓடுறது வாஸ்தவந்தான் தலைவரே. அதுக்காக அந்த பஸ்சை ஓட்டுற டிரைவரையும், டிக்கட் கொடுக்கப்போற கண்டக்டரும் பயணச்சீட்டு வாங்கிட்டுதான் டூட்டி பார்க்கணும்னு சட்டம் கொண்டு வரச் சொல்றதெல்லாம் ரொம்ப ஓவர்.

***

கட்சியின் கொள்கை

உன்னைய ஏன் கட்சியை விட்டு நீக்கிட்டாங்க?

பணம் கொடுத்து ஓட்டு வாங்க முயற்சிக்கக் கூடாதுன்னு சொன்னேன். கட்சி கொள்கைக்கு விரோதமா பேசுறவங்க கட்சிக்கு தேவையில்லைன்னு வெளில அனுப்பிட்டாங்க.